اسكتوا مش انا روحت التحرير المرة دى اه والله - استنوا الاول وحشتونى اوى اوى

السلام عليكم ورحمه الله وبركاته
اتمنى الجميع بخير يارب
وكلكم كلكم وحشتـــــــــــــــــــــــــــــــــــــــــــــونى جدااا اوى
يارب بخير ديما

ورحت التحرير اه وكان يوم بقى لو ححكى عليه من هنا للسنه اللى جايه مش حخلص اصلا
واحد بقى يقولى ليه هو انت اول مره تروح التحرير ولا ايه

اقوم اقوله لا طبعا رحت كتير كتير قبل كده بس ايام مكان اسمه ميدان التحرير
يقوم يفضل يغلس ويسألنى تانى امال هو اسمه اتغير ولا ايه

اقوله اه يا سيدى انا غيرت اسمه
يقوم يفضل ؟؟؟؟؟؟؟؟؟؟؟؟؟؟؟؟ وانتوا فهمين بقى

المهم بقى انا فرحـــــــــــــــــــــــــــان جدااااااااا باللى شفته فى التحرير واكيد انتم كمان لما ححكلكم حتفرحوا اوى
اولا - انتوا عرفين انا بحبكم قد ايه احنا حتى عشره من ساعه مكنت مرشح نفسى للرئاسه
اه
انا بقى لما لقيت الموضوع كده حيلم قولت انا انزل الانتخابات مره تانيه تكون حتى جت فى الشتاء لان انتخابات الصيف بتكون حر اوى اوى
وكمان حبهدل الناس معايا وانزلهم فى الصيف والحر ووجع القلب ده وعلى ايه - خلينا فى الشتاء اللى بعد بعد بعد بعد بعد اللى جاى

المهم
محدش يفهمنى غلط انا اصلا كنت فى التحرير عشان كنت بشترى حاجه مهمه جدااااا طبعا
اه وزى مبييجى فى التلفزيون كده بالظبط نااااس كتير كتير كتير وكلهم رجاله من كل الالوان والاشكال اه والله

وسماعات وحاجات كده وخيام وبطاطين ويااااه دنيا دنيا بجد يعنى وبتوع عصير وبتوع شاى وحاجات كتير اوى والله وكان فى ناس كده
من اللى ساعات كتير دى بتطلع فى التلفزيون دى وبقى مقولكوش بقى على الحر - صيف بقى وكل سنه وانتم طيبين

ومره واحده وانا واقف على جمب اه - مهو انا كنت واقف بعيد شويه - مكنش فى النصف يعنى - انا خفت ادخل للنصف معرفش ارجع تانى تبقى مشكله
سمعت واحد كده واقف ومعاه ناس ومره واحده قال
حراااام حرااااام كفايه كفايه ظلم كفايه ظلم بقى عوزين حريه عوزين كرامه

انا قولت ايه ده فيه ايه هو اللى بييجى التحرير بيخدوا منوا كرامته وحريته ولا ايه - اما اشوف فيه ايه
والراجل عمال عمال عمال مش مبطل كلام ور ور ور ور وكأن الراجل كان فى كوكب اخر وجيلوا حاله فزع

لكن مره واحده لقيته بيقول حتى الراجل اللى احنا اخترناه ورشحناه مش عوزنا ننجح ولا نتقدم ابدا - وبيقول كلنا مرسى وكلنا اخترنا مرسى
كل اللى فى التحرير اختار مرسى ------------------------------- لكن
لكن
اتسحبت من لسانى كالعـــــــاده
وقولتله
ثوانى
ثوانى حضرتك
لو سمحت
ثوانى انا هنا فى التحرير ومنتخبتش مرسى
انا منتخبتوش والله ومش كلنا مرسى لان انا مشى مرسى
--------
واه
مره واحده
كلهم برقوا - واخضروا - واصفروا - واحمروا
وقالى انت تبع شفيق يعنى
قولتله لا والله - انا ولا مع مرسى ولا مع شفيق - انا مع الله - ولما حسيت ان الغباء حيبدء يظهر منهم - مضحكش عليكم قولت لا ( اهرب يا مليجى )
وبالفعل مشيت
وانا لسه بلف بكتفى كده - سمعت واحد منهم بيقول محنا كلنا مع الله
انا وقفت مكانى
وكأن حد ضغط عندى على مفتاح المتحولون
ورحت لفيتلهم تانى
.
.
.
وحسيت ان الغضب اللى فى الكون كله بقى فيه
ومره واحده سألت اللى كان واقف بيتكلم ور ور ور وقولتله مين اللى قال فيكم كلنا مع الله
قام واحد كده شكله شاب قال انا يا فندى اللى قولت كلنا مع الله
.
.
قولتله - لا طبعا يا اخى مش كلكم ومش كلنا مع الله
وقولت فى بالى
اعوز بالله من الشيطان الرجيم
وقولتلهم - فى ناس دلوقتى مع الله - وانا جاى اشترى شيئ واوصلهم الحاجه دى - وحيكون ربنا معايا فى المشوار ان شاء الله
واللى منكم مش مصدق ييجى معايا
.
وقولتلهم متخفوش مش حتتأخروا على الاجتماع اللى انتوا عملينه ده
بس عشان تعرفوا شيئ مهم مهم مهم ان اللى مع الله لا يحزن ولا يخاف ولا يفزع
ولا يحرم من الحريه - لان الحريه فى قلب المسلم
ولا يحرم من التقدم لان التقدم بصيره من روح الايمان
ولا يندم على يوما فيه هو على الارض خلق ليعبد الله

ولكن
يحزن على لحظه واحده لم يسعى فيها الى الله ويبحث عن طريق الله
يندم على انه احب يوما احدا اكثر من رسول الله محمد عليه الصلاة والسلام

وقولتلهم مره واحده
لكن طريق الله جميل

به حلم وبه حكمه وبه رحمه وبه امان وبه دموع وبه تقوى وبه نعمه وبه عزه وبه حريه .
بس استنوا - ان كان فى مقدوركم صفاء النيه فعلموا ان الله معكم
وتعالوا معايا
والله المشوار قريب - هو بس بعد شارع واحد بس من هنا صدقونى وانتم جتشوفوا حكمه من حكم الله

.
.
وبالفعل
نجحت
ووقفوا انهم ييجوا معايا
والبيه اللى اتكلم الاول ضحك وقالهم تعالوا حتى ناكل بالمره ونرجع

وبالفعل انا اللى ضحكت وقولتله يا اخى هو انا مش لسه بقول المهم صفاء النيه
انت حتمشى مع الله مش مع الاكل
-------------------
ومشينا
واتحركنا من التحرير
وبالفعل سألنى واحنا مشيين واحد منهم اسمك ايه
قولتله محمد - ويا ريت محدش يسألنى عن حاجه الا لما نوصل

حنروح فين طيب
قولت هنا فى شركه - حنشترى منها شيئ ونرجع تانى فى نفس الاتجاه والله عشان تشوفوا ربنا ويبقى معانا واحنا رجعين

دخلنا الشركه
وكانت المفاجأه لما شفوها شركه طبيه وفيها اجهزه طبيه وحاجات كده من بتاعه العمليات دى

ومره واحده
وقفت فى النصف
وقولتلهم - فى اخت لينا كانت بتشتغل ممرضه هنا فى مصر
حصلها من فتره حادث صعب اوى واحتاجت تعمل اكثر من عمليه كبيره
وبنحاول بأى امل انها ترجع زى مكانت لانها مش حتتحرك تانى

ودلوقتى حنستلم شريحه خاصه كنا حجزناها عشنها ضرورى ولازم نوصلها لوالدها وهو مستنينا فى المستشفى دلوقتى ومعاه ربنا
ومعاها ربنا والله
لانها داوت وعالجت جروح ناس كتيره اوى
هى اللى ساعدت الشباب بتوع الثوره
هى اللى جابت ليهم دم
هى اللى تعبت ونزلت التحرير واحنا فى البيت

هى اللى وقتها كان معاها ربنا ورجعت الحريه والكرامه اللى انتم بتقوا انها اتسرقت منكم

يلا
يلا بقى
اشتروا ليها الامل فى البصر
اشتروا ليها السعاده بالبيت والاسره والامل فى انها ممكن تكون عروسه وام لاولاد
اشتروا ليها الصحه اللى لا يمتلكها الا الله ومن اتقى الله ووهبه نعمه الحياه والصحه

وقال واحد منهم لا حول ولا قوه الا بالله
قولت انا وقتها

عرفتوا انكم ضعاف عرفتم ان لا حول ولا قوه الا بالله
عرفتم ان التحرير ومن عليه ومن به ملك لله ولا قوه عليه الا لله
عرفتم ان طريق الله سهل لكنه بعيد عن الاذهان لتلاهى الحياه والسياسات
عرفتم ان لا خلط للدين بالسياسه

وبعدها طلبت منهم طلب
قولتلهم احنا دفعنا خلاص فلوس الحاجه اللى حنشتريها اصلا
لكن انا طالب منكم انكم تيجوا وتكملوا المشوار معايا
نروح لوالدها فى المستشفى هو مستنى هناك عشان ياخد الحاجه عشان العمليه بعد بكره
تعالوا معايا وقولوا للراجل كلمه حلوه تصبره - واحنا كل مالعدد بتعنا زياده كل ما كان التخفيف على الراجل احسن

ووالله متخفوش ومش حتندموا والله
----------
اخوانى بالفعل قالوا طبعا حنيجى معاك وكان بيبكى والله والله والله الاتنين اللى كانوا بيتكلموا اصلا
واخذنا الحاجه ووصلناها للراجل وسلموا عليه
وواحد منهم قالوا كل مصر معاك ومعاها وبتدعيلك وبتدعيلها

ولحظه واحده
سمعته بيقول ووالله ربنا معاك ومعاها
صدقنى ربنا معاها

ابتسمت وقولته
فعلا
ربنا معاها
لانها وقفت جمب كل المصريين اللى رجعوا مصر تانى لصحابها
لانها بنت الثوره بنت مصر اخت كل المصريين

وقولتها وانا مقدرتش امسك دموعى وقولت
بكره حتبقى عروسه مصر كلها
------------------------------------------------------------------
خرجنا من المستشفى والجميع يبكى
ولكنه بكاء من نوع اخر بكاء العقول بكاء القلوب
بكاء الحريه مع الله وليس مع من سيكون الرئيس
بكاء على من حررونا واشتروا لنا بحياتهم العزه والكرامه
-----------------------------
بعدها
اصبحت انا الاقوى
اخذوا يهربون من عيونى ليس لبكائهم ولكنهم شعروا بأن بيننا من نخجل منه جميعا
من نخافه جميعا
من نحبه جميعا
من نبحث عنه جميعا
هو الله
نعم هو الله
-------------------------

اخوانى واخواتى الكرام
ويا من تبحثون عن الحريه والكرامه
اتمنى منكم الدعاء لهذه الفتاه لانها بين لحظه واخرى ستكون بين يد من خلقها وخلقنا
ستكون عند من هو صاحب الارض ومن عليها

اللهم تولاها برحمتك
واعزها بعزتك واكرمها بكرمك
فأنت ارحم الراحمين يا الله

ابحثوا بين ضلوعكم وقلوبكم وايمانكم عن من هم يحتاجون اصواتنا لتخفف عنهم لحظات
هى اصعب اللحظات

حمدالله على السلامة يافندم
اللهم اشفى مرضاتا ومرضى المسلمين
بارك الله في جهودك
و أسأل الله أن يجعل عملك هذا
في موازين أعمالك

hamadakatoo كتب:: حمدالله على السلامة يافندم
اللهم اشفى مرضاتا ومرضى المسلمين
بارك الله في جهودك
و أسأل الله أن يجعل عملك هذا
في موازين أعمالك

الله يسلمك يارب استاذ حمادة واشكرك لدعائك الطيب يارب
فنحن امام الله لا نمتلك الا الدعاء بالعفو والمغفر
لنا ولمصر والمسلمين اجمع
بارك الله فى وجودكم الطيب والمشرف دائما

» ][©][§®¤~ والله خير وأبقى ~¤®§][©][
» والله لا يخزيك الله أبدًا
» ســـــــــعادتي ؟؟؟ !!! الجزء الاول
» ما معنى قوله تعالى (والله خلق كل دابة من ماء)؟
» طريقة عمل ويندوز xp 2 الجزء الاول